ROOH KI CHAH PART 1

ZINDAGI ME KABHI KABHI KUCHH GHATNAYEIN AISI HOTI HAI JO TA-UMRA HUME YAAD RAHTI HAIN YA YOON KEH LIJIYE KI HUMARE SAATH SAATH SAYE KI TARAH CHALTI HAIN… AUR KABHI KABHI HUM UNSE ANJAAN BHI REHTE HAIN… AISI HEE EK GHATNA HUI THI BIHAR KE SIVAN ME REHNE WALE KISHORE KE SAATH… KISHORE JISKI UMRA TAKRIBAN 38 SAAL KI RAHI HOGI… KAD 5 FEET 6 INCH, RANG GEHUAN, KAALI AUR BADI BADI AANKHEIN, BAAL THODE GHUNGRALE AUR TIKHE NAIN NAKSH,CHHERE PE PATLI SI EK PREM CHAND STYLE KI MOONCHH, PESHE SE YE HAI ENGINEER HAI AUR AAJ KAL MUMBAI ME EK BADI COMPANY ME KAAM KARTA HAI… ACHCHHI INCOME HAI, EK KHUD KA FLAT BHI LE LIYA HAI AUR KUCHH HEE DINO ME SHADI BHI HONE WALI HAI… PAR AAJ KE SUCCESSFUL KISHORE KO DEKH KAR KOI NAHIN KEH SAKTA KI YE VAHI GAANV KA REHNE WALA BUDDHU KISHORE HAI JISKE EXAM ME PAAS HONE PAR BHI SABKO SHAQ THA, KHUD KISHORE KO BHI… PAR EK GHATNA NE KISHORE KI ZINDAGI HEE NAHIN USE BHI PURI TARAH BADAL KAR RAKH DIYA… BAAT LAGHBHAG 20 SAAL PEHLE KI HAI… TAB KISHORE 18 VARSH KA THA… 12 VI KI PADHAI KAR RAHA THA AUR US WAQT BARAHVI KAKSHA KE IMTIHAAN KA SAMAY BAHUT NAJDEEK THA… DECEMBER KA MAHINA CHAL RAHA THA… THAND KADAKE KI PAD RAHI THI… SUBAH SHAAM KOHRA CHHAYA REHTA THA…WO BHI ITNA KI HATH KO HATH NA DIKHE, KISHORE KO PADHAI SE KUCHH KHAS LAGAAV NAHI THA ,ISLIYE BACKBENCHER REHTE HUE BARAHVI TAK KA SAFAR KIYA THA KISHORE NE OOPAR SE 12 VI KE EXAM SAR PE AA GAYE THE JISKE RESULT PE USKI AAGE KI ZINDAGI KA FAISLA HONA THA ISLIYE KISHORE KO GHAR SE 4 KM DUR DUSRE GAON ME COACHING KE LIYE JANA PADTA THA… TAKI VO IMTIHAN ACHCHHE SE DE PAAYE… KISHORE KE PITAJI SHRI ASHOK TIVARI EK MAMULI SARKARI KARMCHARI THE… KISHORE KI MAA USKO JANM DENE KE KUCHH MAHINE BAAD HEE CHAL BASI THI… TAB SE ASHOK NE KISHORE KO MAA AUR BAAP DONO KA PYAAR DIYA… ASHOK NE APNE JIVAN ME PAISON KI BAHUT TANGI DEKHI HAI JISKI VAJAH SE VO KISHORE KO PADHA LIKHA KAR EK BADA AADMI BANANE KE SAPNE DEKH RAHA THA… DOOSRE SHABDON ME KAHA JAAYE TO ZYADATAR ABHIBHAVAKON KI TARAH KHUD KE SAPNE APNE BACHCHON KE ZARIYE POORA KARNE KE ARMAAN DEKHTE THE ASHOK TIWARI… ISLIYE KISHORE PAR THODI SAKHTI RAKHTE THE… USSE SAKHT HIDAYAT DE RAKHI THI KI EXAM ME 95% MARK AANE HEE CHAHIYE… TABHI ENGINEERING ME USKA DAKHILA HO SAKTA THA… HALANKI KISHORE APNI AADAT KE VIPREET PORE JEE JAAN SE TAIYAARI ME LAGA HUA THA PAR VO KEHTE HAIN NA INSAAN KO APNI KABLIYAT KA PATA HOTA HAI KI VO KYA AUR KITNA KAR PAAYEGA… TO KISHORE BHI JAANTA THA KI YE SAB USKE BAS KI BAAT HAI NAHIN… PAR KISHORE KO KAISE BHI KARKE IN EXAMS ME 95% LAANE HEE THE… PAR HAR PAL USSE EK HEE DAR LAGA RAHTA THA KI AGAR VO YE NAHI KAR PAYA TO KYA HOGA ? 95% CHHODO AGAR WO PAAS BHI NAHIN HO PAYA TO KYA HOGA… ISLIYE VO ESHWAR KE SAMNE PRARTHANA KARTA THA KI KAISE BHI KARKE USSE 95% MARKS DILWA DEIN… WARNA PAPA KE GUSSE AUR KHAUF SE USSE KAUN BACHAYEGA… COACHING TO VO JATA THA, PAR LAKH MAGAJMARI KE BAWAJOOD USSE WAHAN PAR BHI KUCHH SAMAJH NAHIN AATA THA… KISHORE SVABHAAV SE THODA SHARMILA THA ISLIYE VO COACHING ME BAKI STUDENTS KE SAMNE CHAH KAR BHI KHUL KAR KUCHH PUCHH NAHIN PATA THA.. PAR PHIR BHI PADHAI KI GADI JAISE TAISE BAS CHAL HEE RAHI THI… KISHORE KA SIRF EK HEE DOST THA RAJEEV… JO USKE SAATH USSI KE SECTION ME PADHTA THA AUR USKE SAATH HEE COACHING BHI JAYA KARTA THA…CHUNKI KISHORE PADHAI ME KAMJOR THA ISLIYE VO RAJEEV KE NOTES SE COPY BHI KAR LIYA KARTA THA… TAKI MASTER JI KI DAANT SE BACH SAKE… EXAMS KI DATES AA CHUKI THI… ISILIYE SCHOOL ME BHI EXTRA CLASS HONE LAGI THE AUR COACHING ME BHI… ISILIYE KISHORE KO JYADA FURSAT BHI NAHIN MILTI THI… BAKI DINO KI TARAH US DIN BHI KISHORE KI COACHING CLASS THI… RAJEEV KI TABIYAT ACHANAK KHAARAB HO GAI THI ISLIYE USS DIN VO KISHORE KE SAATH COACHING NAHIN JA RAHA THA.. JISKI VAJAH SE KISHORE THODA LATE HO RAHA THA ISLIYE JALDI JALDI SE USNE APNA BAG PACK KIYA AUR NIKAL GAYA… 8:30 KA WAQT HO RAHA THA… SARDI KI RAAT AUR UPAR SE KOHRA.. LATE HONE KI VAJAH SE KISHORE NE SCHOOL UNIFORM BHI NAHIN CHANGE KIYA THA… YANI BLUE PANT, WHITE SHIRT, TIE AUR BLUE SWEATER… PAIRO ME BLACK SHOES BLUE SOCKS KE SAATH PEHAN RAKHE THE… HAWA BAHUT THANDI CHAL RAHI THI ISLIYE KISHORE NE OONI TOPI BHI LAGA RAHI THI… RASTE PAR PURA ANDHERA CHAAYA HUA THA… AAS PAAS KI JHADIYA HAWA SE HILL RAHI THI… JISSE KISORE KO THODA DAR BHI LAG RAHA THA… THAND AUR DAR SE KANPTA HUA KISHORE JAB COACHING CLASS PAHUNCHA TO CLAAS SHURU HO CHUKI THI… USSE LATE AATA DEKH MASTER JI NE APNI AANKHON SE HEE DAANT LAGATE HUE USE BAITHNE KA ISHARA KIYA… KISHORE CHUP CHAP SABSE PICHHE JAA KAR BAITH GAYA AUR BAG ME SE SCIENCE KI KITAAB NIKALNE LAGA… PAR YE KYA BAG ME TO KITAAB HAI HEE NAHIN… KISHORE PHIR SE DEKHTA HAI… PAR KITAAB NAHIN MILTI… KISHORE SARI KITAABEIN BAHAR NIKAL KAR CHECK KARTA HAI PAR SCIENCE KI KITAAB NAHIN MILTI… KISHORE KHUD SE BOLTA HAI… KITAAB MAINE BAG ME RAKHI THI MUJHE ACHCHHE SE YAAD HAI… PHIR KAHAAN GAI… KISHORE KO ISS TARAH BAG SE SAMAN ULAT PALT KARTE DEKH MASTER JI USS PAR CHILLA KAR BOLTE HAIN… KAR KYA RAHE HO TUM KISHORE… EK KITAAB NAHIN MIL RAHI TUMHEN EXAM KAISE CLEAR KAROGE?? MASTER JI DAANT SE KISHORE SEHAM UTHTA HAI AUR SAR JHUKA KAR HAKLATE HUE KEHTA HAI… SIR.. MAIN… MAIN MASTER JI AUR GUSSE ME BOLTE HAIN… SUCH A CARE LESS FELLOW… KYA BAKRI KI TARAH MAIN… MAIN… KAR RAHE HO? GET OUT… BAHAR JAO AUR NILL DOWN HO JAO.. KISHORE NA CHAHTE HUE BHI BAHAR JAA KAR NILL DOWN HO JATA HAI… USSE PATA THA MASTER JI SE BEHAS KARKE USSE SIVAY BEIZZATI KE KUCHH NAHIN HASIL HONE WALA… PAR BEIZZATI TO VAISE BHI HO HEE CHUKI THI… COACHING KI SARI LADKIYAN USSE AISE DEKH KAR HASI DABA KAR HAS RAHI THI… AUR KISHORE NAZAR NEECHI KIYE MAN HEE MAN SOCH RAHA THA KI AAKHIR KITAAB BAG ME SE KAHAAN GAYAB HO GAI… EXTRA CLASS HONE KI VAJAH SE CLASS 10:30 TAK CHALI AUR KISHORE KI PUNISHMENT BHI… SAB JATE HUE USSE DEKH KAR HAS RAHE THE SABKE JAANE KE BAAD MASTER JI USSE ANDAR BULA KAR EK BAAR PHIR SE DAANT LAGAI AUR AAGE SE AISI GALTI NA HO KI HIDAYAT DE KAR GHAR JAANE KO KAHA… KISHORE NE HAAN ME APNA SAR HILAYA AUR APNA BAG UTHA KAR GHAR KE LIYE NIKAL PADA… RAAT KA ANDHERA AUR BADH GAYA THA AUR SAATH SAATH KOHRA BHI… HAWA NE BHI APNI CHAAL KUCHH AUR TEZ KAR DI THI… JISKI VAJAH SE RASTE KE AAS PAAS KI JHAADIYAN BHI TEZI SE HIL RAHI THI… AUR BEECH BEECH ME KUCHH AWAAZ BHI AA RAHI THI… PAHLE KISHORE KO LAGA HAWA TEZ HAI TO YE USKI WAJAH SE YE AWAAZEIN AA RAHI HAIN… PAR THODI BAAD HEE KISHORE KO YE EHSAAS HUA KI JAISE KOI FUSFUSA KAR KUCHH KAH RAHA HAI…JISSE KISHORE KO DAR LAGNE LAGA AUR USNE APNE CHALNE KI GATI TEZ KAR DI…THODI DUR CHAALNE KE BAAD KISHORE KO MEHSOOS HUA KI KOI USKE PICHHE PICHHE AA RAHA HAI… TO KISHORE EK PALKE LIYE RUK GAYA… USKE RUKTE HEE VO AAHAT AANI BAND HO GAI… TO KISHORE KO LAGA KI YE USKA VEHAM HAI… AUR VO PHIR SE CHAL PADTA HAI… VO KUCHH AAGE CHALA HEE THA KI TABHI USSE KISI KI AWAAZ SUNAI DI… ISS BAAR USNE HIMMAT KARKE PICHHE MUD KE DEKHA PAR VAHAAN DUR DUR TAK KOI NAHIN THA… KISHORE KA DAR AB BADHTA JAA RAHA THA… VO JAISE PALAT KAR CHALNE LAGTA HAI KI TABHI USKA PAIR KISI CHEEJ PAR PADTA HAI… VO JAISE HEE NEECHE DEKHTA HAI USKE HOSH UDD JAATE HAIN… YE USKI SCIENCE KI KITAAB THI JOVO APNE BAG ME DHOONDH RAHA THA JISKI VAJAH SE USSE MASTER JI SE SAZA BHI MILI THI… VO KITAAB UTHATA HAI AUR KHUD SE KEHTA HAI… YE… YE KAISE AA GAI… MAINE POORE RASTE ME EK BAAR BHI BAG NAHIN KHOLA… PHIR YE YAHAN KAISE GIR GAI… KISHORE YE PAHELI BUJHNE KI KOSHISH KAR HEE RAHA THA KI TABHI USSE JHADIYON ME SE BADI DHEEMI SI AWAAZ AATI HAI… SUNOOOO… KISHORE USS TARAF DEKHTA HAI PAR USSE KUCHH SUNAI NAHIN DETA TO VO APNI KITAAB BAG ME RAKH KAR WAPAS CHAL DETA HAI… TABHI VAHI AWAAZ PHIR SE AATI HAI… PAR ISS BAAR AWAAZ BILKUL SAAF SAAF THI… SUNO… TUMHE YAHI CHAHIYE THA NA? YE SUNKAR KISHORE KE KADAM RUK JAATE HAIN… DAR KE KARAN USKE RAUGATE KHADE HO JATE HAIN… VO KUCHH SAMAJH PAAYE USSE PAHLE AWAAZ PHIR SE AATI HAI… TUMHEN VO SAB MILEGA JO TUMHEN CHAHIIYE… ITNA SUNTE HEE KISHORE KE HAATH PAIR FUL JAATE HAIN… DAR SE VO KAMPNE LAGTA HAI… USKA DIMAAG SUNN HO JATA HAI… PHIR BHI VO BADI HIMMAT KARKE PUCHHTA HAI… KKKAUN HAI… KAUN HAI VAHAAN… BAHAR AAO… TBHI AWAAZ PHIR SE AATI HAI… GHABRAO MAT… MAIN TUMHEN KUCHH NAHIN KARUNGA… BOLO TUMHE KYA CHAHIYE… ITNA BOL KE AWAAZ BAND HO GAYI LEKIN JIS ANDHERI JHADIYON ME SE AWAAZ AA RAHI THI USI TARAF SE ACHANAK EK AKHBAAR KA TUKDA UDD KAR KISHORE KE PAIR KE PASS AA KAR RUK GAYA.. KISHORE NE DARTE HUE USS AKHBAAR KO UTHAYA AUR USSE DONO TARAF SE PALAT KAR DEKHA… TABHI KISHORE KI NAZAR USPE CHHAPI EK NEWS PAR PADTI HAI… JISSE DEKH KAR KISHORE KO APNI AANKHON PE YAKIN NAHIN AATA… VO APNI AANKHEN MASALTA HAI AUR PHIR SE DEKHTA HAI… PAR AKHBAAR ME JO CHHAPA THA VO VAISA KA VAISA HEE THA… KISHORE KO SAMJH NAHIN AA RAHA THA KI YE KYA HO RAHA HAI… VO AKHABAR KI TAREEKH DEKHTA HAI TO DANG REH JATA HAI… VO AKHBAAR 22 FEBRUARY 2000 KA THA YANI.. AAJ SE THEEK 2 MAHINE BAAD KA… PAR YE KAISE HO SAKTA HAI… USME CHHAPI KHABAR BHI KISHORE KE BAARE ME THI KI KISHORE TIWARI NE 12TH KE EXAM ME APNE COLLAGE ME TOP KIYA HAI… KISHORE BADI BADI AANKHON SE AKHBAAR KO DEKHE JAA RAHA THA… USSE KUCHH SAMJH NAHIN AA RAHA THA KI YE SAB SACH HAI YA VO KOI SAPNA DEKH RAHA HAI… TABHI UNN JHADIYON ME SE PHIR SE AWAAZ AATI HAI… YEHI TUMHEN CHAHIYE THA NA… AB TUMHARI ICHCHHA POORI HUI… AB TUM MERI ICHCHHA POORI KAROGE… KISHORE DARTE DARTE PUCHHTA HAI… TUMHARI ICHCHHA??? KAUN SI ICHCHHA?... TUM HO KAUN KYA CHAHIYE TUMHEN??? YE KAHTE HUE KISHORE KI AANKH KHUL JAATI HAI AUR VO EK JHATKE KE SAATH UTHKE BAITH JATA HAI… …… VO CHARO TARAF DEKHTA HAI TO KHUD KO APNE GHAR ME APNE BED PE PATA HAI… USKI NAZAR GHADI PE JAATI HAI TO SUBAH KE 10 BAJ RAHE THE, DHUP SAR PE AA CHUKI THI… YE SAB DEKH KAR USKA DIMAAG GHOOM JATA HAI… USSE SAMAJH NAHIN AA RAHA THA KI JO KUCHH THODI DER PAHLE USKE SAATH HUA THA VO SAB SACH THA YA VAKAI ME VO KOI SAPNA DEKH RAHA THA… VO JALDI SE BISTAR PE SE NEECHE UTARTA HAI TO KHUD KO SAMNE LAGE AAINE ME DEKH KAR HAIRAN HO JATA HAI… USNE ABHI BHI APNE SCHOOL KI UNIFORM PEHAN RAKHI THI… VO JALDI SE APNA BAG CHECK KARTA HAI… AUR SCIENCE KI KITAAB DHOONDTA HAI… KITAAB USSI BAG ME THI… KISHORE KITAAB KO HAATH ME LEKAR DEKHNE LAGTA HAI… TABHI USKI NAZAR KITAAB PE LIKHE ALFAZ PAR JATI HAI.. JISME LIKHA HOTA HAI… “RUH KI ICHCHHA… YE PADHTE HEE KISHORE DAR SE KITAAB KO DUR ZAMEEN PE FAINK DETA HAI… TABHI KITAAB KE ANDAR SE AKHBAAR KA VAHI TUKDA BAHAR NIKAL KAR GIRTA HAI JIS PAR KISHORE KE TOP KARNE KI KHABAR CHHAPI THI… KISHORE KI HALAT KHARAAB HO JATI HAI… DAR SE USKA CHAHRA PASINA PASINA HO JATA HAI…TABHI KISHORE KE PITA JI ASHOK KAMRE ME AATE HAIN AUR KISHORE KO DAANTE HUE KEHTE HAIN… YAHAAN BUT BANA KYON KHADA HAI… AAJ SCHOOL NAHIN JANA KYA… EXAM SAR ME HAIN… AISE KAISE PAAS HOGA… APNE PITA KI AWAAZ SUNKE KISHORE DAR SE CHAUNK KAR PITA JI KI TARAF DEKHTA HAI… AUR BOLTA HAI… JJJANA HAI PITA JI… BAS READY HOON… ASHOK USSE GHOORTE HUE BAHAR CHALE JAATE HAIN… AUR KISHORE PALAT KAR AKHBAAR KI TARAF DEKHTA HAI TO VAHAAN SIRF USKI KITAAB HOTI HAI… KISHORE ACHAMBHIT AVASTHA ME DHAP SE APNE BISTAR PE BAITH JATA HAI… USKA SAR GHOOMNE LAGTA HAI… USS DIN SE THEEk DO MAHINE BAAD 12th KA RESULT AATA HAI AUR AKHBAAR ME KISHORE KE TOP KARNE KI KHABAR CHHAPTI HAI… ASHOK TIWARI APNE BETE KI ISS KAMYAABI PE BAHUT FAKRA MEHSOOS KAR RAHE THE… PAR YE TO KISHORE JAANTA THA KI YE USKI MEHNAT NAHIN USS ROOH KA KIYA KARAYA HAI… ROOH NE KISHORE KI ICHCHHA TO POORI KAR DI THI AB BAARI THI ROOH KI ICHCHHA POORI KARNE KI… KYA ICHCHHA THI ROOH KI YE KOI NAHIN JAANTA… KISHORE NE JO SAUDA KIYA USKA KYA ANJAAM HUA… UN TEZ HAWAON KE BEECH KYA MAANGA THA ROOH NE KISHORE SE… KISHORE TO SUN KE BHI SAMAJH NAHIN PAYA… PAR AAP ZAROOR SUNIYE AUR SAMAJHIYE BHI…