DIL DOSTI SCOOTY PART 1

Rinku ka chhota sa kamra ek battlefield ka roop le chuka tha—jaise koi jang abhi khatam hui ho. Har taraf cheezein bikhri hui thi—kahi purane akhbaar, kahi ghadi ka toota hua strap, Wahin ek kone me bills aur receipts ka guchha, Aur kamre ke bich me bed pe kapdon ka ek pahaad sa laga hua tha. Diwar ke ek kone se ek spiderweb jhool rahi thi, aur khidki ke paas toothpaste ki tube khidki ki window ke neeche dabi padi thi, par uska dhakkan kahin dikhayi nahi de raha tha. Wo bed ke kareeb jaakar khada hota hai, ek geela towel uthata hai aur use side me patak deta hai. Phir bed ke kone ki taraf nazar ghumata hai, Jahan se ek blazer ka ek kona latak raha tha. Wo chamakdar blazer,khidki se aati dhoop me alag hi dikhai de raha tha. Rinku ne blazer ko dono haathon se uthaya, dheere-dheere bed ke kapdon ka dher hata kar use bahar khinchte hue. Ab blazer uske haathon me tha, ek trophy ki tarah. Rinku dhyan bhari nazron se use apne eye level par laakar baareeki se dekhta hai. Uska naya naya suit tha, shaadi me pehenne ke liye kharida gaya tha, lekin ab us blazer ke lapel par ek chhota sa daag dikh raha tha. Rinku ki aankhen teek gayi us daag par, jaise wo ek detective ho jo kisi crime scene ka saboot dhoond raha ho. Uske dimag me udhedbun chal rahi thi—“Yeh daag kab lag gaya? Main to isse ek hi baar pehna tha! Ab kya karun? Dry-cleaning ka time bhi nahi hai…” Usne blazer ko bed par rakha aur phir bagal ki almari ke paas gaya, jahan ek ganda kapda aur detergent ki bottle rakhi thi. “Shayad ise saaf kar lu,” usne socha, lekin phir ek aur khayal aaya, “Agar aur kharaab ho gaya to?” Kamre ki garmi aur uske dimag ki ghabrahat ke sath mila jula confusion aur pal pal tick tick karti ghadi ki suiyon ke sath badhti bechaini ki wajah se uska chehra se pasina choone laga tha. Phir usne ek gehri saans li aur blazer ko waapas uthakar ghoora, jaise wo blazer uska dushman ho. Tabhi uski nazar apne jeans aur t-shirt pe ja tiki. "Ye blazer aaj ke occasion ke hisab se thoda zyada dhinchakk nahi ho jayega?" Ye jeans bhi adhi torn…offoh…kya musibat hai…? Aisa sochte hue wo blazer ko wapas bed par phaink deta hai. Ek baar fir se peeche palat ke apne messy cupboard ki taraf dekhta hai aur kisi tarah kapdon ke beech se ek saaf suthri dikh rahi shirt nikalta hai. Shirt ironed nahi thi, lekin Rinku ab isse zyada der nahi kar sakta tha. Shirt pehnte hue mirror mein apne apko dhyan se dekhta hai Rinku- uske daadi thodi si uneven thi. "Damn, ab charger kahan hai?" Apne chehre pe hath pherte hue woh apne razor ka charger dhoondhne lagta hai,uske man me ek hi vichar chal raha tha "Main aur der nahi kar sakta," Tabhi ek drawer ke kone se uske haath lagta hai,aur charger neeche girta hai,Rinku ke chehre pe khinchi lakeerein thoda ease off hoti hain. Phir phataphat Rinku jaldi-jaldi apna razor charge karna shuru karta hai aur sath sath daadi trim karna shuru karta hai. Tabhi Razor achanak ruk jata hai. "Ab yeh kya naya tamasha hai?" woh gusse mein apne razor ko jhatka maarta hai irritate hote hue. Shayad uska charger achhe se connect nahi tha. Jitni dadi trim hui thi use usi haalat me chhorke irritation ke bhav face pe liye ghadi dekhte dekhte, woh room se bahar nikalta hai, Bina kisi second thought ke