CONTRACT MARRIAGE LAST PART

SUMAN KI BAAT VIVAN KE SAMAJH SE PARE THI. VIVAN KO GUSSA TOH BAHUT AA RAHA THA LEKIN WO KUCHH KAR NAHIN SAKTA THA KYONKI DUNIYA KE NAZAR ME SUMAN USKI WIFE HAI… VIVAN GUSSE ME WAHA SE CHALA JATA HAI AUR SUMAN WAHI KHADI USKO JAATE DEKHTI REHTI HAI. LEKIN AB SUMAN KI AANKHON ME SAZISH KI CHAMAK NAHIN PACHTAVE KI NAMI HAI AUR BADE DHEEME SWAR ME BOLTI HAI... I AM SORRY VIVAN, PAR ME JO KAR RAHI HOON TUMHARE BHALE KE LIYE KAR RAHI HOON… PAR YE MAIN TUMHE SAMJHA NAHIN SAKTI… SUMAN ITNA BOL KAR PICHHE MUDTI HAI TOH CHAUNK JAATI HAI. USKI AANKHEN BADI HO JATI HAI PAR WO KUCHH BOL NAHIN PAATI. USKE SAMNE VIVAN KA MANAGER KHADA HAI. MANAGER SUMAN KO RELAXE KARTE HUE BOLTA HAI.. AAP DARIYE MAT… MAIN JANTA HOO AAP KUCHH SOCH KE YAHAAN AAYI HAIN. MAINE AAPKI BAAT SUN LI HAI LEKIN MAIN KISI KO NAHIN BATAUNGA… MANAGER KI BAAT SUN KAR SUMAN THODI NORMAL HOTE HUE EK SMILE DETI HAI AUR MANAGER KE KANDHE PAR APNE HAATH SE THAPTHAPATI HAI.. FIR WAHA SE CHALI JAATI HAI. ISI BEECH 15 DIN BEET CHUKE HAIN, VIVAN KA BARTAV SUMAN KE LIYE DIN BA DIN KHARAB HOTA JAA RAHA HAI. SUMAN KO APMANIT KARNE KA KOI BHI MAUKA VIVAN NAHIN CHHODTA LEKIN SUMAN HAMESHA EK SMILE KE SAATH YE SAB IGNORE KAR DETI HAI. KAI BAAR MANAGER NE BHI VIVAN KO ROKNA CHAHA PAR HAR BAAR SUMAN APNI AANKHON KE ISHARE SE USE ROK DETI HAI. USS DIN SUBAH SUBAH SUMAN APNE HATHO SE CHAI BANA KE TRAY PAR SAJA KE VIVAN KO LAAKAR DETI HAI, LEKIN HAR BAAR KI TARAH VIVAN INSULT KARNE AUR NICHA DIKHANE KE LIYE APNE HATH KO JHINJHOD DETA HAI JISS SE CHAI KA CUP NICHE GIR KE TUT JATA HAI AUR BIKHAR JATA HAI. SUMAN KE LIYE YE SAB REGULAR HO GAYA HAI ISILIYE WO VIVAN KO DEKH KAR EK HALKI PYAAR BHARI SMILE KARTI HAI AUR NICHE PADE CUP KE TUKDON KO UTHANE LAGTI HAI.. WO FLOOR SE TUKDE UTHA HEE RAHI THI KI TABHI WAHA PAR KUCHH OFFICER TYPE LOG AA JATE HAIN ACHANAK, JINHONE APNA PARICHAY ANDAR AATE HEE CBI BOL KAR KRWAYA HAI. VIVAN ACHANAK CBI WALO KO APNE GHAR ME DEKH KAR CHAUNK JATA HAI AUR HAIRANI KE SATH PUCHHTA HAI.. MAINE KYA KIYA HAI? CBI TEAM KE CHIEF ADHIKARI JI VIVAN KO RELAX KARTE HUE BOLTE HAIN.. TENSION MAT LIJIYE. AAPNE KUCHH NAHIN KIYA HAI. COURT KO SHAK THA KI AAPNE APNE FATHER KI PROPERTY KE LIYE NAKLI SHAADI CONDUCT KI HAI. ISILIYE HUMEN APPOINT KIYA GAYA THA APKE SURVEILLANCE KARNE AUR REPORT SUBMIT KARNE KE LIYE… VIVAN YE BAAT SUN KAR BAHUT DARR JATA HAI KYONKI USKO PATA HAI USNE YEHI SAB KIYA HAI… AUR DARR DARR KE SUMAN KO DEKHTA HAI KYONKI USHE LAGTA HAI KI SUMAN NE AGAR SAB BATA DIYA TO WO BARBAAD HO JAYEGA. VIVAN KI SHAKL PAR MAYOOSI AUR PARESHANI DONO EK SATH JHALAK RAHI HAI JISE SUMAN PADH LETI HAI. TURANT SUMAN SITUATION SAMBHALTE HUE ADHIKARI JI KI TARAF DEKHTE HUE BOLTI HAI.. TOH KYA REPORT BANAI AAPNE? KYA AAPKO LAGTA HAI KI HUMNE NAKLI SHAADI KI HAI? ADHIKARI JI SMILE KARTE HUE BOLTE HAI.. IN FACT SACH BATAUN TO MUJHE BHI PEHLE YEHI LAGA THA KI YE SHAADI NAHIN EK CONTRACT HAI, BUT INVESTIGATION KE BAAD CLEAR HO GAYA KI HAMARI PREDICTION GALAT THI LEKIN… BOLTE HUE WO RUK JAATE HAIN… SUMAN UNKI TARAF DEKHTI HAI TO USSE LAGTA HAI KI JAISE UNKE MAN ME KUCHH SAWAL CHAL RAHE HAIN TO SUMAN PUCHHTI HAI… LEKIN KYA SIR? KYA KOI PROBLEM HAI? ADHIKAARI JI APNE SAR KO HILATE HUE NAA BOLTE HAIN AUR APNE HATH ME PAKDA HUA FILE SUMAN KO DETE HUE BOLTE HAIN.. SAB THEEK HAI LEKIN AAPNE JO I’D DIYA THA WO GALAT HAI PRIYA SAXSENA URF SUMAN RAJPUT.. ADHIKARI JI KE MUH SE YE NAAM SUNTE HEE VIVAN EK DUM STABDH HO JATA HAI.. USKE CHEHRE KE BHAV BATA RAHE HAIN KI WO ISS NAAM KO ACHCHHE SE JAANTA HAI. USKE DIMAG ME DHER SAARE SAWAL TAIYAAR HO RAHE HAIN. PAR WO SABKE SAMNE PUCHHNE SE HICHKICHA RAHA HAI.. SUMAN MAUKE KI NAZAKAT KO SAMJHTE HUE ADHIKARI JI KI TARAF DEKHTE HUE BOLTI HAI.. SORRY SIR, IT’S MY FAULT.. MAIN APNA ASLI NAAM BATANA NAHIN CHAH RAHI THI. ADHIKARI JI JAWAB DETE HAIN. SEE, HAMARA ISME KOI LOOKOUT NAHIN HAI, YE AAP DONO KA AAPASI MATTER HAI.. HAMARI TARAF SE REPORT CLEAR HAI. EK COPY AAPKO DEDI AUR DUSRI COPY COURT ME SUBMIT HO CHUKI HAI.. YOU BOTH ARE FREE NOW.. ENJOY. HAVE A GREAT DAY.. ITNA BOLKE ADHIKARI JI AUR UNKI TEAM WAHA SE CHALI JAATI HAI.. VIVAN UNKE JAATE HEE SAWALIYA NAZRON SE SUMAN KO DEKHNE LAGTA HAI.. SUMAN KUCHH BOLE USSE PEHLE VIVAN SUMAN KO GALE LAGAKE BOLTA HAI.. SORRY, SORRY PRIYA. MAINE TUMHARE SATH BAHUT GALT KIYA.. BUT TUM? SUMAN URF PRIYA KO VIVAN KE DIL ME UTH RAHE SAWALON KA ABHAAS HO JATA HAI.. TOH WO BOLTI HAI.. DEKHO VIVAN, TUM JAB CHHOD KE GAYE TOH MERA DIL TOOT GAYA THA.. BAHUT UDAAS REHNE LAGI THI MAIN. TABHI EK DIN MERA ROAD ACCIDENT HUA AUR CHEHRA KHARAB HO GAYA. ISILIYE MUJHE SURGERY KARWANI PADI. JAB MUJHE HOSH AAYA TOH SABSE PEHLE TUMHARI KHABAR PATA KI. TOH PATA CHALA KI TUMHARI SITUATION DANGER ME HAI. ISILIYE MAINE TUMHARI LIFE ME WAPAS AANE KA YE TARIKA DHUNDA. KYONKI NA ME TUMHE BHULA SAKTI THI NA TUMSE DUR REH SAKTI THI.. AGAR MAINE KUCHH GALTI KAR DIYA HO TOH MUJHE MAAF KARNA.. BOLTE HUE VIVAN KE AAGE HATH JOD DETI HAI.. VIVAN USKO ROKTE HUE USKE HATH PAKAD LETA HAI AUR USKO GALE LAGA LETA HAI.. DONO EK DUSRE KE BAHUT KAREEB AA JATE HAIN. VIVAN KE HONTH AB SUMAN KE LAL GULABI MULAAYAM HONTO KE EKDUM KAREEB HAIN. DONO EK DUSRE KI AANKHON ME DUB GAYE HAI.. WAQT JAISE UNKE LIYE THEHER SA GAYA HAI. VIVAN KI AANKHEIN NUM HO JAATI HAI AUR VO SUMAN SE KEHTA HAI.. I LOVE YOU. I LOVE YOU PRIYA. MAIN TUMHARA YE EHSAAN KAISE CHUKAUN MUJHE NAHIN PATA.. SUMAN APNE AAP KO VIVAN KE HATHO SE CHHUDATE HUE BOLTI HAI.. TUM BILKUL PAGAL HO.. EK TARAF PYAR KA IKRAAR BHI KARTE HO AUR DUSRI TARAF KARZ CHUKANE KI BAAT BHI.. BUDDHU, PYAAR ME KUCHH KARZ NAHIN HOTA. AUR MAINE JO BHI KIYA WO HAMARE FUTURE KE LIYE KIYA. KOI EHSAAN NAHIN THA WO.. SAMJHE. BOLTE HUE VIVAN KO DEKH KE SMILE DETI HAI. USKI MUSKAAN ME AB AJEEB SA AAKARSHAN HAI, JO VIVAN KO SAMAJH AA JATA HAI AUR VIVAN SUMAN KO APNE NAZDEEK KHEECH LETA HAI FIR USKE HONTHO PAR APNE HONTH RAKH DETA HAI. DONO KI AANKHE BAND HO JAATI HAI AUR DONO APNE EHSAASON ME KHO JAATE HAIN.. AB UNKI LIFE SE SAARI PARESHAANI GAYAB HO GAYI THI AUR REH GAYI HAI BAS KHUSHIYAN HI KHUSHIYAN.. BARSO BAAD DONO EK DUSRE SE MIL KE EK DUSRE ME HI KHO GAYE HAIN.. INKO DEKH KE AISA LAGTA HAI KI PYAAR HO TOH AISA HO…