RUBANI AUR USKA JADUI GARDEN

🌸 Main Rubani aur Mera Jadui Garden 🌸 Hello dosto! 👋 Mera naam hai Rubani. Main 7 saal ki hoon… aur haan, thodi golu-molu bhi hoon. Sab mujhe pyaar se kehte hain “Mithai ki gudiya” 🍭. Mujhe hassna bahut pasand hai, kyunki jab main hasti hoon na, toh sab log bhi hans padte hain. Ek din main garden mein khel rahi thi. Ki achanak ek bahut hee sundar par kuchh alag si dikhne wali titli timtimati hui mere haath pe aake baith gai, vo sirf dikhne me hee alag nahin thi vo bolti bhi thi. Aur usne apni badi pyari si awaaz me mujhse kaha “Rubani! Tumhaari hansi itni pyaari hai ki usse ek jadui magical garden ban sakta hai.” Mujhe hansi aa gayi “Hahaha! Titli bhi baat karti hai? Kitni mithi hai iski muskaan. Chalo garden dekhne chale. Aur bas! Titli mujhe ekdum se udake le gayi. Dosto, wahaan jo maine dekha na… uff! • Badal se bane teddy bears mujhe hug kar rahe the ☁🧸 • Ice-cream ke ped… socho zara! Pedon se vanilla aur chocolate cones latak rahe the 🍦 • Nadi mein gol-gappon ka paani beh raha tha • Aur chhoti-chhoti pariyan mere golu gaalon ko gilli gili woosh kar rahi thi. Main zor se cheekhi “Arreee yeh toh duniya ka sabse mast place hai!” Phir Titli Didi ne bola, “Rubani, yeh garden tumhari khushi se bana hai. Jab tum hasti ho, yahan naye phool khilte hain. Jab tum dance karti ho, yahan naye rang girte hain.” Main turant gol-gol dance karne lagi… aur sach mein! Mere dance karte hee opar se rang birange rainbow neeche girne lage aisa lag raha tha jaise rainbow ki barish ho rahi ho.. Us waqt mujhe samajh aaya “Agar main roz khush rahoon, sabke saath apni hasi baantoon, toh duniya bhi garden jaisi cute aur colorful ban jaayegi!” Ab jab main apne ghar wapas aayi na, maine decide kiya – Main Rubani, apni golu-molu hasi se sabko happy karungi! 😄💖 Aur ab toh poori gali ke log kehte hain – “Rubani aaye toh din bright ho jaata hai!”