ADITYA AUR AANIYA KA MAGIC ADVENTURE

Aditya (excited): Mera naam Aditya hai! Main 7 saal ka hoon. Aaniya (smiling): Aur main uski pyaari behen Aaniya hoon. Aditya (secretly): Aapko pata hai? Hum dono ke paas ek chhoti si kahani hai ...sunna chahoge ? Aaniya (whispering): Ek din humein mil gayi thi… ek jaadu ki pencil! Aditya (acting proud): Jab main us pencil se kuch bhi banata hoon… Toh woh cheez sach mein zinda ho uthti hai! Aaniya (teasing): Haan haan… par Adi ne pehle din ek dinosaur bana diya tha! Aur woh ghar ke andar hi daudne laga tha ! Aditya (laughing): Haan wo chhota tha sabse par phir bhi sabse bada dikhta tha,Phir Aaniya ne usse cake bana kar distract kiya. Aur dinosaur chup-chaap cake khane laga. Aaniya (smiling): Uske baad humne decide kiya… Ki pencil se sirf achhi aur pyari cheezein banayenge. Aditya (thinking): Toh main banaata hoon ek badaa rainbow… Jo hum dono ke room ko colourful kar de. Aaniya (clapping): Aur main banaati hoon ek cute sa puppy… Jo humare saath khele aur hamesha saath rahe. Aditya (holding her hand): Aur humne seekha ki agar hum dono mil kar kuch bhi karein… Toh duniya aur bhi magical ho jaati hai. Both (together, smiling): Hum hain Aditya aur Aaniya Aur yeh thi hamari chhoti si magic story! Kaisi lagi ??